Флорентино Перес марҳум футболчининг ўғлини вояга етгунича ўз қарамоғига олди
Ads

Хабарингиз бор жорий йилнинг 1 июнь куни испаниялик машҳур футболчи Хосе Антонио Рейес 35 ёшида автохалокат қурбони бўлди.

Marca нашри тарқатган хабарга қараганда “Реал” Мадрид клуби президенти Флорентино Перес марҳум футболчининг 11 ёшли ўғлини вояга етгунича ўз тарбиясига олади.

Маълумот учун, Рейес "Севилья" клуби тарбияланувчиси ҳисобланади. У фаолияти давомида "Арсенал", "Реал", "Атлетико", "Бенфика", "Эспаньол", "Кордова", "Синьцзян Тяньшань Леопард" ва "Эстремадура" клубларида тўп сурган.

Испания терма жамоасида эса 2003-2006 йилларда ўйнаган. 21та ўйинда майдонга тушиб 4та гол урган.

Таъкидлаш керакки, Рейес Европа лигасида энг кўп ғалаба қозонган футболчилардан бири ҳисобланар эди. У фаолияти давомида ушбу совринни 5 марта қўлга киритган.