Франция футболининг бўлажак юлдузи қайси жамоага ўтмоқчилигини айтди

"Ренн" клуби ярим ҳимоячиси Эдуардо Камавинга фаолиятини "Реал" Мадридда давом эттирмоқчи. Бу ҳақда Marca нашри хабар тарқатмоқда.

Юқоридаги манбага кўра, 17 ёшли француз ўзига қизиқаётган грандлар орасидан айнан “қироллик клуби”ни танлаган. Айтиш керакки, унга шунингдек "Барселона", "Боруссия" Дортмунд, "Ливерпуль" ва ПСЖ клубларидан ҳам таклифлар бор. "Ренн" эса Камавинганинг трансферини 100 миллион еврога баҳоламоқда.

Маълумот учун, Эдуардо Камавинга жорий мавсум 36 та ўйинда майдонга тушди ва 1 та гол ҳамда 2 та голли узатма ёздириб қўйишга эришди. Унинг клуб билан амалдаги шартномаси 2022 йилга қадар имзоланган.