"Grenke Chess Freestyle Open 2026": Карлсендан кейин ким чемпион бўлади?

Шахмат оламида йилнинг энг муҳим мусобақаларидан бири — Номзодлар турнири яқинлашиб келаётган бир пайтда, яна бир йирик турнир — "Grenke Chess Freestyle Open 2026" ҳам старт олиш арафасида. Мусобақа 2 апрель куни Карлсруэ шаҳрида бошланади.

Ўтган йили Магнус Карлсен тарихий натижа қайд этиб, 9 ўйиндан 9 очко тўплаган ҳолда ғолиб бўлган эди. Бу йил ҳам таркиб жуда кучли — Номзодлар турнирида иштирок этмаётган дунёнинг энг кучли шахматчилари қатнашиши кутилмоқда.

Айниқса, Ҳиндистоннинг икки етакчи шахматчиси — Нихал Сарин ва Аравинд Читамбарам ўртасидаги рақобат алоҳида қизиқиш уйғотмоқда.

Ушбу турнир ғолиби FIDE томонидан ташкил этиладиган "Freestyle Chess World Championship 2027" мусобақасига йўлланмани қўлга киритади. Финал босқичи Вайсенхаусда бўлиб ўтади.