Гризманн "Барселона"даги фаолиятини ёдга олди

Мадриднинг “Атлетико” клуби ҳужумчиси Антуан Гризманн “Барселона”да ўтказган даврларини эслади. Эслатиб ўтамиз, франциялик футболчи 2019 йилдан 2021 йилгача каталонияликлар шарафини ҳимоя қилган.

“Барселона”даги биринчи мавсумим жуда қийин ўтган. Ўшанда мен захирада ўтирганман, кам ўйнаганман, бошқача тактика ва позисияда ҳам ўйнашга мажбур бўлганман. Мен ҳаммасига кўникишим керак эди”, — дади Гризманн DAZN нашрига берган интервьюсида.

Антуан Каталония жамоаси таркибида жами 102 та ўйин ўтказиб, 35 та гол урган ва 17 та голли узатмани амалга оширган. У 2021 йилнинг августида яна Мадрид клубига қайтди.