Гвардиола: "Арсенал" билан бўлган воқеа биз билан ҳам содир бўлиши мумкин

"Манчестер Сити" бош мураббийи Хосеп Гвардиола АПЛ чемпионлиги учун кураш ҳали якунига етмаганига ишонмоқда. Айтиш керакки, “Арсенал” устидан қозонилган ғалабадан сўнг (4:1) “Сити”нинг чемпионлик учун имкониятлари сезиларли даражада ошди. Гарчи “шаҳарликлар” ҳозирча турнир жадвалида “канонирлар”дан икки очко ортда қолаётган бўлсада,  уларнинг ҳисобида иккита захира ўйини бор.

«Мен футболчиларга «Арсенал» билан содир бўлган воқеа - учта дуранг ва битта мағлубият биз билан ҳам содир бўлиши мумкинлигини айтдим. Бундай бўлиши мумкин эмас дейсизми? Йўқ, дўстларим, бу мумкин. Биз буни унутмаслигимиз керак, шунда очко йўқотмаслик бизга осонроқ бўлади», - деди испаниялик мутахассис журналистларга.

"Манчестер Сити"нинг навбатдаги ўйини 30 апрель куни меҳмонда "Фулхэм"га қарши бўлиб ўтади.

Фикрлар

Фикр қолдириш учун авторизациядан ўтинг!