Гвардиола “Барса”нинг энг зўр юлдузини олиб кетмоқчи
“Барселона”нинг жорий мавсумдаги энг зўр ўйинчиси Рафинья фаолиятини яна Англия Премьер-лигасида давом эттириш имкониятига эга бўляпти.
El Nacional нашрининг маълум қилишича, бразилиялик легионер хизматларига таркибини янгилаш сиёсатини юритаётган “Манчестер Сити” клуби жиддий қизиқиш билдирмоқда.
Сўнгги маълумотларга қараганда, “шаҳарликлар” тўпурар ўйинчини олиш учун каталонияликларга 80 миллион евро миқдорида бадал пули таклиф қилмоқчи.
Каталонияликлар 28 ёшли футболчини 2022 йилнинг ёзида “Лидс”дан 58 миллион еврога трансфер қилган эди. Аввалги йиллар ҳаракатлари кўп бора эътирозларга сабаб бўлган ҳужумкор футболчининг ўйини бирданига очилиб кетди.
Рафиньа жорий мавсумда 42 та учрашувда иштирок этиб, ўз ҳисобига 27 та гол ва 20 та голли пас ёздириб қўйди. Унинг амалдаги шартномаси 2027 йилнинг ёзигача давом этади.
Фикрлар