Гвардиола Матани ўз жамоасида кўришни хоҳлаганини айтди

"Манчестер Сити" клуби бош мураббийи Хосеп Гвардиола ўз вақтида МЮ ярим ҳимоячиси Хуан Матани ўз жамоасига олиб келиш ниятида бўлганини айтди.

“Барселона” мураббийи бўлган пайтларим Матани олиб келишни хоҳлаганман. Бироқ, муаммо шунда бўлганки, бизда ярим ҳимоячилар жуда кўп эди.

Мата – ажойиб ўйинчи. У “Челси” сафида зўр ўйинлар ўтказди, энди эса “Манчестер Юнайтед” шарафини ҳам муносиб ҳимоя қилмоқда”, - дейди Гвардиола.

Эслатиб ўтамиз, Матанинг “Манчестер Юнайтед” клуби билан амалдаги шартномаси мавсум кунлангач ўз ниҳоясига етади.