Гвардиола юлдуз шогирдини кечирмади

Ўз вақтида “Манчестер Сити” таркибида порлаган Яя Туре жамоа бош мураббийи Хосеп Гвардиола билан муносабатларни тиклашга қилган ҳаракатлари фойда бермаганини билдирди.

- Одам бирор хато қилса, кимдир унинг ўзидан ёки номидан фойдаланиб, муаммо чиқарса, бу вазиятни ўнглаш керак. Менинг Гвардиолага муносабатим нотўғри эди. Мен шунинг учун ҳам узр сўрашни истайман.“Манчестер Сити”даги муҳим одамлар билан гаплашиб, улар ёрдамида вазиятни ўнгламоқчи бўлдим. Клубга мактуб ёздим. Шундан бери жавобни интизорлик билан кутяпман. Агар Гвардиола жавоб бермасликни маъқул кўрган бўлса, мен ҳеч нарса қила олмайман, - деди Туре.

Яя Туре 2010-2018 йиллар давомида “Манчестер сити” шарафини ҳимоя қилган. Клуб учун 230 та учрашув ўтказиб, 59 та гол урган. Тажрибали ярим ҳимоячи Кот-д'Ивуар терма жамоаси сафида 102 марта майдонга тушган ва рақиблар дарвозасини 19 маротаба ишғол қилган.