Гвардиолани Каталония президенти қилишмоқчи

"Каталония учун биргаликда" партияси "Манчестер Сити" клуби бош мураббийи Хосеп Гвардиолани футболдан кетиб, сиёсатга ўтишини хоҳламоқда.

El Confidencial нашрининг ёзишича 48 ёшли мутахассис Каталония мустақиллиги учун бўладиган сайловларда иштирок этишга қизиқиш билдирмоқда.

Ғояга кўра Гвардиола юқоридаги партия фаолига айланиб, Каталония президентлигига даъвогарлик қилиши мумкин.

Эслатиб ўтамиз, Гвардиоланинг “Манчестер Сити” билан амалдаги шартномаси 2021 йилга қадар имзоланган.