Gyundogan uchun kutilmagan xaridor paydo bo‘ldi

"Manchester Siti" klubi yarim himoyachisi Ilkay Gyundogan faoliyatini Italiya A Seriyasida davom ettirishi mumkin.

Football Italia nashri tarqatgan xabarga ko‘ra 28 yoshli germaniyalik futbolchining xizmatlariga "Inter" klubidan jiddiy qiziqishlar paydo bo‘la boshlagan. Aytish kerakki, ushbu futbolchi uchun shuningdek "Bavariya" ham kurash olib bormoqda. "Shaharliklar" esa uning transferini 40 million evroga baholashmoqda.

Ma’lumot uchun, Gyundogan joriy mavsum “Manchester Siti” safida jami 42ta o‘yinda ishtirok etdi va o‘z hisobiga 5ta gol hamda 7ta golli uzatma yozdirib qo‘yishga erishdi.