Гюндоган учун кутилмаган харидор пайдо бўлди

"Манчестер Сити" клуби ярим ҳимоячиси Илкай Гюндоган фаолиятини Италия А Сериясида давом эттириши мумкин.

Football Italia нашри тарқатган хабарга кўра 28 ёшли германиялик футболчининг хизматларига "Интер" клубидан жиддий қизиқишлар пайдо бўла бошлаган. Айтиш керакки, ушбу футболчи учун шунингдек "Бавария" ҳам кураш олиб бормоқда. "Шаҳарликлар" эса унинг трансферини 40 миллион еврога баҳолашмоқда.

Маълумот учун, Гюндоган жорий мавсум “Манчестер Сити” сафида жами 42та ўйинда иштирок этди ва ўз ҳисобига 5та гол ҳамда 7та голли узатма ёздириб қўйишга эришди.