"Ҳаммаси жойидами?" Винисиусдан ҳурматга лойиқ ҳаракат

Сўнгги "Эл-классико"да Ламин Ямал ва Винисиус Жуниор иштирокидаги бир ҳолат ижтимоий тармоқларда муҳокамаларга сабаб бўлди - бу сафар ҳакам билан жанжал ёки тортишув эмас, балки кутилмаган ҳурмат белгиси намоён бўлгани учун.

Винисиус "Барселона"нинг ёш ҳужумчиси қоида бузарликдан сўнг оқсаб қолганини сезди. Бразилиялик футболчи Ямалнинг шунчаки ёнидан ўтиб кетиш ўрнига, яқинлашиб, рақибининг аҳволи ҳақида сўради:
"Ламин, яхшимисан? Ҳаммаси жойидами?"

Шунчалик эмоционал ва принципиал рақобатда ўтган баҳсларда бундай хатти-ҳаракатлар камдан-кам учрайди. Бу қисқа, аммо таъсирли эпизод ва шуни англатадики ҳатто энг қизғин футбол тўқнашувларида ҳам инсонийликка ўрин бор.