Here we go! Флик "Барселона" бош мураббийи

Бироз олдин "Барселона" Хавини истеъфога чиқарганини эълон қилганди. Унинг ўрнига клуб кимни олиб келаётгани маълум бўлди. 

Фабрицио Романо хабар беришича, каталонияликларнинг кейинги бош мураббийи Ханс-Дитер Флик бўлади. Томонлар икки йиллик шартнома борасида келишиб олишган. Шу билан бирга, германиялик мутахассис иккита ёрдамчи мураббийи билан ишни бошлайди. 

Флик "Барселона"ни қабул қилиб олиш учун АПЛдан келган таклифни рад қилди. Унга "Челси" қизиқиш билдираётганди. 

"Бавария"даги фаолияти давомида барчага яхши таниш бўлган Ханс Германия терма жамоасида ҳам ишлади. Аммо уни раҳбарият ўз лавозимидан озод қилганди.