Ҳусанов ва бир неча ўйинчини қўйиб юборишди!

Миллий футбол лигаларида ФИФА кунлари муносабати билан қисқа танаффус эълон қилди. Таркибида турли мамлакатлар терма жамоалари ўйинчилари бор клублар уларни қўйиб юборишига тўғри келди.

Европанинг топ-лигаларидан ҳисобланган Франция чемпионатида иштирок этаётган “Ланс” асосй таркибнинг етти нафар футболчиси билан вақтинча хайрлашди.

“Ланс”даги легионеримиз Абдуқодир Ҳусанов ҳам Сречко Катанецдан чақирув олди ва терма жамоамиз ихтиёрига етиб келди.

20 ёшли марказий ҳимоячи 2026 йилги жаҳон чемпионати минтақавий саралаш турнири учинчи босқичида иштирок этаётган Ўзбекистон миллий терма жамоасига ёрдам бериши керак.

Футболчиларимиз орзусидаги мусобақа – жаҳон чемпионатига чиқиш учун Эрон, Қатар, КХДР, Қирғизистон ва БАА каби терма жамоалар билан рақобатлашади. Гуруҳда дастлабки икки ўринни эгаллаган жамоалар тўғридан тўғри мундиалга йўлланма олади. Кейинги икки ўрин соҳиблари саралашни давом эттиради.

Франция футболини ёритиб келаётган le11hdf.fr нашри “Ланс”дан терма жамоаларга жалб қилинган ўйинчилар ва учрашув вақтлари бўйича маълумот тарқатиб, мухлисларни жамоа вакилларини халқаро майдондаги баҳсларда ҳам қўллаб-қувватлашга чақирди.

Қизиғи шундаки, лансликлар сафида деярли барча қитъалар – Европа, Осиё, Африка, Жанубий Америкадан футболчилар бор экан. Буни қуйидаги рўйхатдан билиб олса бўлади.

5 сентябрь:

Ўзбекистон ( Ҳусанов ) – Шимолий Корея, 2026 йилги жаҳон чемпионати саралаши.

Шотландия – Польша ( Франковски ), Миллатлар лигаси ( А Лига ).

6 сентябрь:

Франция ( Самба ) – Италия, Миллатлар лигаси ( А Лига ).

Словения – Австрия ( Дансо ), Миллатлар лигаси (В Лига ).

Сенегал ( Менди ) – Буркина-Фасо ( Коффи ), 2025 йилги Африка Миллатлар кубоги саралаши.

7 сентябрь:

Бразилия – Эквадор ( Чавес ), 2026 йилги жаҳон чемпионати саралаши.

8 сентябрь:

Хорватия – Польша ( Франковски ), Миллатлар лигаси ( А Лига ).

9 сентябрь:

Бурунди – Сенегал ( Менди ), 2025 йилги Африка Миллатлар кубоги саралаши.

Франция ( Самба ) – Бельгия, Миллатлар лигаси ( А Лига ).

Норвегия – Австрия ( Дансо ), Миллатлар лигаси (В Лига ).

10 сентябрь:

Қирғизистон – Ўзбекистон ( Ҳусанов ), 2026 йилги жаҳон чемпионати саралаши.

Буркина-Фасо ( Коффи ) – Малави, 2025 йилги Африка Миллатлар кубоги саралаши.

Эквадор ( Чавес ) – Перу, 2026 йилги жаҳон чемпионати саралаши.

Абдуқодир Ҳусанов турли ёшдаги терма жамоаларимизда тўп тепган. 2023 йилнинг 11 июнидан бери Ўзбекистон миллий терма жамоаси ўйинчиси ҳисобланади.

Марказий ҳимоячи ҳозирга қадар мамлакатимиз бош жамоаси сафида халқаро майдонларда жами14 та учрашувда иштирок этган.

“Рома” Шомуродов ва яна 18 нафар футболчини кузатиб қўйди!

Машҳур юлдузнинг пешонасига ўзбеклар билан ўйнаш ёзилган экан...

Ҳусанов бўйича яна хушхабар!