Ҳусановни туртиб йиқитган Делапга фанатлар ғазабини сочяпти

Англия Премьер-лигасининг 20-туридан ўрин олган “Манчестер Сити” ва “Челси” ўртасидаги учрашув 1:1 ҳисобида дуранг билан якунланди. Бу баҳсда “шаҳарликлар” қимматли икки очко йўқотганидан кўра, баҳснинг 78-дақиқасида Абдуқодир Ҳусанов иштирокидаги вазият кўп муҳокама қилиняпти.

51-дақиқада жароҳатланган Йошко Гвардиолнинг ўрнига майдонга тушган 21 ёшли ўзбек футболчиси марказий ҳимоянинг чап томонидан жой олди.

Ҳусанов иштирокидаги кульминацион вазият учрашувнинг 78-дақиқасига тўғри келди. Абдуқодир “Манчестер Сити” дарвозасига хавф солган рақиб ҳужумчиси Лиам Диапга зарба беришга имконият қолдирмади.

Англиялик форвард майдондан ташқарига чиқиб кетган ҳолатда аламидан ўзбек ҳимоячисини реклама тўсиғига итариб юборди. Бунинг оқибатида “Сити” футболчилари Лиам Делап билан орани очиқ қилишга киришиб кетди. Жамоалар ўртасида жанжал бўлди. Бу вазият Делап ва Матеуш Нуньешнинг сариқ карточка олиши билан якунланди. Ҳусанов эса жароҳатдан қутилиб қолди.

Нуфузли манбалардан бири – reddit.com сайти Ҳусанов ва Делап ўртасидаги тўқнашув юз берган вазият лавҳасини мухлислар эътиборига ҳавола қилди. Англиялик фанатлар бу ҳолатни кескин танқид остига оляпти.

Sports.uz портали футбол ишқибозларининг Делап ва Ҳусанов ўртасидаги тўқнашув ҳақида билдираётган фикр-мулоҳазаларини ўқувчилар эътиборига етказишни маъқул топди.

Careful-Snow:

Бу йигит ҳақиқий аҳмоқ. Ҳар доим қандайдир ишкал чиқариб юради.

Revy_uzg:

Делап нималар қилганини ўйлаб ҳам кўргани йўқ.

St_SiRUS:

Аслида топ-4 даражасидаги жамоаларда ўйнаш учун салоҳияти етмагани боис, ҳаммага қўполлик қилади.

Novel_Pipe_9050:

“Челси”га келганидан бери бу ўйинчи иштирокида бирорта ёрқин вазиятни кўрганимиз йўқ. Ўзини аҳмоқона тутяпти. Делап ҳақида бирорта ижобий ҳолатни эслай олмадим, лекин бу галги ишига ўхшаган видеороликлар жуда кўп.

GunnersaurusDen:

Рақибни атайин реклама тўсиғига итариб юбориш қизил карточка билан жазоланиши шарт.

ElectricalMud2850:

Майдонда ва ўйин пайтида тўп учун курашда истаганингча кураш, лекин ўйиндан ташқари ҳолатда бундай иш қилишинг очиқчасига ифлосликдир.

Vgsantanna:

Делапда муваффақиятли ҳаракатлардан кўра, аҳмоқона хатолар ва жароҳатларга йўлиққан ҳолатлар кўпроқ.

FirminhoWithAnH:

Рақиб билан курашда охиргача кутиб, майдон тугаган жойида уни реклама тўсиғига урилиши учун чуқурга итариб юбориш ақлсизликдир.

Odegood:

Бу йигит аҳмоқ экан.

TheGoldenPineapples:

Делап ҳақиқий қотил. Рақиб футболчиларига азият етказишдан бошқа бирор ишни уддалай олмайди. Сариқ карточка олгани омади келганини билдиради.

TheGreatDomilies:

Ҳусанов ўз кучи ва тезлигини намойиш қилиб, ундан устун келганидан кейин Делапнинг қилган иши ҳақиқий пасткашликдир. “Манчестер Сити” ўйинчилари Абдуқодирни ҳимоя қилганидан мамнун бўлдик.

Winneratinternet:

Ҳусанов Делапдан ўзиб кетгани, зарбага имкон бермагани унга алам қилди. Қўрқоқ ва чидамас ўйинчи экан.

Macroturb:

Тўғридан тўғри қизил карточка кўрсатиш керак эди.

Fliddyjohnny:

Футболдан ташқари муштлашиб ҳам кўринглар.

Chips:

Делап ўзини зўр йигитдек кўрсатмоқчи. Менимча, ўз жаҳлини бошқаришда катта камчиликлари бор. Психологга бориши керак.

Drdeathstrange:

Палмер уни тинчлантиришга ҳаракат қилмаганидан ҳайрон бўлдим. Ахир улар дўст-ку. Мана шунақа ҳолатларда ёши катта тажрибали ўйинчилар керак.

ApolloThe12:

“Челси” бир киши кам ўйнаши керак эди.

SupervisorLaw:

Мен бу ҳолатни ҳақиқий қизил карточкага тортадиган вазият деб баҳолайман. Делапнинг ҳаракатидан ҳеч қанақа фойда йўқ. Бу Ҳусановнинг жароҳати билан тугаши мумкин эди.

WalkingCloud:

Делап бошқа қоидалар бўйича ўйнайди, қолганлар эса, умумий қоидаларга бўйсунади.

Dorkseid1687:

Делап – жиноятчи.

Adventurous_Guest152:

“Челси”нинг фанати сифатида айтаман, Делап – жиноятчи.

Drdeathstrange:

Ҳусановни ҳимоя қилган “Сити” ўйинчиларига балли. “Манчестер Сити” ва “Челси” учрашувларида кўпинча шунақа жанжаллар бўлиб туради. Делап бунақа қилиқларини йиғиштириши керак. Унинг бу ҳаракатлари жамоамизга бир куни қимматга тушади.  

 

Жанжалга ва иккита сариқ карточкага сабабчи бўлган Ҳусановнинг ўйини қандай баҳоланди?

Диққат марказида – Шомуродов!

Шомуродов ва Файзуллаев яна бир жамоадоши билан хайрлашди

Ниҳоят, Ҳусановни майдонда кўрамиз!

Ўзбекистон улкан ҳурматга лойиқ! Португалия устози Мартинес яна нималар деди?