Ибрагимович 27 декабргача "Милан"га ўз жавобини айтиши керак, акс ҳолда...

Италиянинг "Милан" клуби швециялик ҳужумчи Златан Ибрагимович билан музокараларни давом эттирмоқда.

Calciomercato нашри тарқатган хабарга кўра "россонерилар" 38 ёшли футболчига янги таклиф юборишган. Улар Златандан 27 декабрга қадар жавоб кутишади, акс ҳолда "Милан" ўзига бошқа ҳужумчи қидириб кўради.

Эслатиб ўтамиз, Ибрагимовичга шунингдек “Эвертон”дан ҳам қизиқишлар мавжуд. Унинг "Лос-Анжелес Гэлакси" клуби билан амалдаги шартномаси 31 декабрь куни ўз ниҳоясига етади.