Ибрагимович ватанига қайтиб кетди

“Милан” клуби форварди Златан Ибрагимович Швецияга жўнаб кетди.

Эслатиб ўтиш лозимки, 38 ёшли футболчи 2 кун олдин жамоа машғулотларида сон мушакларидан жароҳат олган эди. Шифокорлар эса уни тахминан бир ой даволанишини айтишди. Энди Златан ватанида физиотерапия муолажаларини олиб яна “россонерилар” сафига қайтиб келади.

Ибрагимович “Милан” сафига январда эркин агент сифатида келиб қўшилган эди. У ўтган вақт мобайнида 8 та ўйинда майдонга тушди ва 3 та гол ҳамда 1 та голли узатмага муаллифлик қилди.