Илия Топурия: "Жастин Гэтжини 2 дақиқада ухлатаман!"

Енгил вазнда амалдаги UFC чемпиони Илия Топурия америкалик Жастин Гэтжи ҳурмат чегарасини кесиб ўтганини таъкидлади.

"Аслида, Жастинни ажойиб йигит деб ўйлардим, лекин у ҳаддидан ошиб кетди. Айни пайтда унга нисбатан на менда, на жамоамда ҳурмат қолди. Энди камина бажариши керак бўлган ягона иш – Гэтжини 2 дақиқа ичида йўқ қилиш. Мен уни бутун оиласи, мамлакати, халқи кўз ўнгида ухлатаман!" – деди "Эл-Матадор".

Эслатиб ўтамиз, Топурия ва Гэтжи тўқнашуви 15 июнь куни "UFC White House" турнирида ўтказилади.