"Inter" "Arsenal" hujumchisini sotib olmoqchi

Lukaku uchun kurashdan chiqqan "Inter" boshqa hujumchilar bilan muzokaralar o‘tkazishga qaror qildi. Klub nishoniga "Arsenal" vakili Florian Balogun tushgan. Bu haqda Fabritsio Romano xabar bermoqda. 

AQShlik hujumchi uchun "kanonirlar" 50 million funt talab qilmoqda, lekin Italiya klubi uni 40 million funtga sotib olmoqchi. Tomonlar tez orada kelishuvga erishishi kutilmoqda. 

Balogun o‘tgan mavsumda "Reyms" tarkibida ajoyib mavsum o‘tkazganidan keyin "Arsenal" safiga qaytdi. U endi ikkinchi raqamli strayker bo‘lishni istamayapti. Shu sababli, jamoani tark etishga qarshi emas.