"Интер" энди "Челси" футболчисини қўлга киритмоқчи

Sky Italia нашри хабарига кўра, "Интер" устози Антонио Конте АПЛ клуби футболчисини таркибига қўшиб олиш истагида.

Манбага кўра, италиялик мутаҳассис ўзининг собиқ шогирди Виктор Мозес билан яна бир марта ишлаб кўрмоқчи. "Челси"га тегишли бўлган 29 ёшли футболчи айни вақтда "Фенербахче" сафида ижарада тўп сурмоқда.

Ўз навбатида "Челси" футболчини муддатидан олдинроқ ижарадан қайтариб олиб, уни сотиб юборишга тайёр, аммо "Интер" нигериялик футболчи учун фақат ижара шартномасини таклиф этиш истагида.