"Интер" яқин 24 соат ичида Жеконинг трансферини расмийлаштиради

Миланнинг "Интер" клуби "Рома" ҳужумчиси Эдин Жекони сотиб олиш фикридан қайтмаяпти.

Sportmediaset нашри тарқатган хабарга кўра “нерадзуррилар” 33 ёшли босниялик футболчи учун 18 млн евро таклиф қилишмоқда. Ушбу трансфер яқин 24 соат ичида расмийлаштирилиши кутилмоқда.

Маълумот учун, Жеко ўтган мавсум “Рома”да жами 40та ўйинда майдонга тушган ва 14та гол ҳамда 8та голли узатмага муаллифлик қилган.

Эслатиб ўтамиз, “Интер” бундан аввалроқ “Манчестер Юнайтед”дан бельгиялик форвард Ромелу Лукакуни сотиб олган эди.