"Интер"га қарши баҳс олдидан "Барса" мухлислари учун ҳушхабар!

Ҳужумчилар Лионель Месси ва Усмон Дембеле “Барселона”нинг бугунги умумий гуруҳ машғулотларида иштирок этишди. Бу ҳақда клуб расмий твиттери хабар тарқатмоқда.

Юқоридаги манбаага кўра 17 ёшли ярим ҳимоячи Анссумане Фати ҳали ҳам жароҳатидан тўлиқ тикланиб улгурмаган.

Эслатиб ўтамиз, Эрнесто Вальверде бошчилигидаги “Барселона” 2 октябрь куни ўз майдонида ЕЧЛ гуруҳ босқич 2-туридан ўрин олган “Интер”га қарши баҳс олиб боради.