"Интер"Наингголанни трансферга қўйди

Миланнинг "Интер" клуби ярим ҳимоячиси Ража Наингголан жорий ёзги трансферлар даврида жамоадан кетади. Бу ҳақда Corriere della Sera нашри хабар бермоқда.

Юқоридаги манбаага кўра “нерадзуррилар” 31 ёшли бельгиялик футболчини трансферга қўйишган. Гап шундаки, Наингголан жамоанинг янги бош мураббийи Антонио Контенинг режаларига кирмайди.

Ўз навбатида унинг ўзи ҳам бошқа жамоага кетишга қарши эмас. У катта эҳтимол билан яна “Рома”га қайтиши мумкин.

Маълумот учун, “Интер” Наингголанни бир йил муқаддам “Рома”дан 38 млн еврога сотиб олган эди. Ҳозир эса унинг трансфери 28 млн еврога баҳоланмоқда.