Ислом Тўхтахўжаевнинг дебюти муваффақиятли чиқди

Қатар Юлдузлар лигасида чемпионат старт олди. Ислом Тўхтахўжаев “Ал-Гарафа” сафидаги дебют учрашувини ўтказишга муваффақ бўлди.

Илк турни унинг жамоаси “Ал-Сайлия”га қарши ўтказди. Учрашув 2:1 ҳисобида “Ал-Гарафа”нинг ғалабаси билан якунланди. Моаяд Хассан (31) ва Амро Сураг (48)нинг голларига меҳмонлардан Моханад Али (67) бир бор жавоб қайтарди.

Тўхтахўжаев эса асосий таркибда майдонга тушиб, учрашувни тўлиқ ўтказди.