Ислом Тўхтахўжаевнинг майдонга қайтиши "Ал-Гарафа"га қўл келди

Қатар юлдузлар лигасининг 7-турида “Ал-Гарафа” клуби “Мархия”ни қабул қилди. Ушбу учрашувда ҳамюртимиз Ислом Тўхтахўжаев яна асосий таркибга қайтди.

Ёдингизда бўлса, 31 август куни “Ал-Гарафа”нинг “Ал-Аҳли Доха”га қарши беллашувида легионеримиз майдондан четлатилганди. Орада у битта ўйинни ўтказиб юборди. 13 сенябрь куни эса дисквалификация муддатини ўтаб бўлгач, яна майдонга қайтди.

Биринчи бўлимда Дрисс Феттуи 38-дақиқада гол уриб меҳмонларни ҳисобда олдинга олиб чиқди. Танаффусдан сўнг Тўхтахўжаев жамоадошлари ўйин тизгинини ўз қўлига олдилар. 56-дақиқада тиниб-тинчимас Ясим Браими ҳисобни тенглаштирди. 63-дақиқада Исхак Бельфодил пенальтидан гол уриб “Ал-Гарафа”ни ҳисобда олдинга олиб чиқди. Учрашув якунига қадар 2:1 натижаси ўзгармади. Дарвоқе, 90-дақиқада меҳмонлар вакили Айюб Аззи майдондан четлатилди.

Эндиликда италиялик Андреа Страмаччони жамоаси 12 очко билан 4-ўринга чиқиб олди. “Ал-Гарафа” навбатдаги учрашувини 20 сентябрь куни ўз майдонида “Ал-Райян”га қарши ўтказади.

"Шомуродов орқали футболингиз европалик скаутлар кузатувида, сизларда "олтин авлод" шаклланяпти, ўзбек маданиятини эшитганман" - "Интер"нинг собиқ устози SPORTS.UZга эксклюзив интервью берди

Фикрлар

Фикр қолдириш учун авторизациядан ўтинг!