Италия матбуоти: Шомуродов гол уриб, Моуриньони фикрини ўзгартиришга мажбур қилди!

“Рома” ўтган мавсумда Конференциялар лигасида ғолиб чиқиб, Еврокубокларда охиргача етиб борган Италиянинг ягона жамоасига айланган эди.

Нафақат пойтахт, балки бутун италиялик мухлислар Жозе Моуриньо шогирдларидан жорий мавсумда Европа лигасида муваффақият қозонишини кутмоқда. Лекин римликлар халқаро турнирнинг биринчи туридаёқ футболи Италияникидан анча ортда ҳисобланадиган Болгариянинг “Лудогорец” жамоасига ютқазиб қўйди.

Италия матбуоти “Рома” ютқазган ўйинни таҳлил қилиш ва футболчилар иштирокини баҳолашни давом эттирмоқда. Экспертлар римликларни А Серияда “Удинезе”дан ҳам 0:4 ҳисобида енгилганини инобатга олиб, кетма-кет икки мағлубиятни инқироз ва Моуриньонинг тактикаларини самарасиз, деб ҳисобламоқда.

Жозе Моуриньо таркибни тўғри шакллантиришга улгурмагани айтилмоқда. У танлаган тактикалар иш бермаяпти. Ҳужумда самарадорлик паст, ҳимояда хато кўп.

- Биз Моуриньодан кўпроқ нарса кутгандик, - деб ёзди португалиялик мутахассиснинг бошқарувини паст баллга баҳолаган La Gazzetta dello Sport нашри.

- Крис Смолингни ўйинини ёшларга кўрсатиб бўлмайди. У бошини кийим алматириш хонасига ташлаб чиққан шекилли, - деб танқидий чиқиш қилди Il Tempo нашри.

Журналистлар “Рома” футболчилари орасида Пауло Дибала жон куйдирганини таъкидлаб, Андреа Белотти олдинги чизиқда унга умуман ёрдам бера олмаганига алоҳида тўхталмоқда. Бундан ташқари, Жозе Моуриньо умуман четга суриб қўйган Элдор Шомуродов фаол хатти-ҳаракатлари ва урган голи туфайли португалиялик мутахассисни ҳужумчилар борасидаги сиёсатини ўзгартиришга мажбур қилгани таъкидланмоқда.

Европа лигасининг биринчи туридан ўрин олган “Лудогорец” ва “Рома” ўртасидаги ўйин иштирокчиларининг ҳаракатларини баҳолаган Италиянинг энг машҳур етти нашри бир овоздан энг юксак баҳони Элдор Шомуродовга бергани аҳамиятли.

IL MESSAGGERO: Свилар 5,5, Манчини 4,5, Смоллинг 5,5, Ибаньес 5, Челик 5, Кристанте 5,5, Матич 6, Залевски 6, Пеллегрини 5,5, Дибала 5,5, Белотти 4,5, Шомуродов 6, Спинаццола 5, Вольпато 6, Бове 6, Камара 6, Моуринью 5.

CORRIERE DELLO SPORT: Свилар 6, Манчини 5,5, Смоллинг 5, Ибаньес 5, Челик 6, Кристанте 5,5, Матич 5,5, Залевски 5,5, Пеллегрини 5,5, Дибала 6, Белотти 5, Шомуродов 6,5, Спинаццола 5,5, Вольпато (баҳосиз), Бове 6, Камара 6, Моуринью 5,5.

GAZZETTA DELLO SPORT: Свилар 6, Манчини 5,5, Смоллинг 6, Ибаньес 5, Челик 5,5, Кристанте 5,5, Матич 5,5, Залевски 5, Пеллегрини 5,5, Дибала 6, Белотти 5, Шомуродов 6, Спинаццола 5, Вольпато 5,5, Бове 6, Камара 6, Моуринью 5.

IL TEMPO: Свилар 6, Манчини 5, Смоллинг 4, Ибаньес 5,5, Челик 5,5, Кристанте 5, Матич 5,5, Залевски 5, Пеллегрини 4,5, Дибала 6, Белотти 4,5, Шомуродов 6, Спинаццола 5,5, Вольпато 5,5, Бове 6, Камара 5,5, Моуринью 5.

CORRIERE DELLA SERA: Свилар 6, Манчини 5, Смоллинг 5, Ибаньес 5, Челик 6, Кристанте 5, Матич 5,5, Залевски 5,5, Пеллегрини 5,5, Дибала 6, Белотти 5, Шомуродов 6,5, Спинаццола 5, Вольпато (баҳосиз), Бове (баҳосиз), Камара 6, Моуринью 5.

LA REPUBBLICA: Свилар 5,5, Манчини 4, Смоллинг 5, Ибаньес 4, Челик 5, Кристанте 4,5, Матич 5,5, Залевски 5, Пеллегрини 5,5, Дибала 5,5, Белотти 5, Шомуродов 6,5, Спинаццола 5,5, Вольпато (баҳосиз), Бове (баҳосиз), Камара 6, Моуринью 4,5.

IL ROMANISTA: Свилар 6, Манчини 5, Смоллинг 5, Ибаньес 5, Челик 5, Кристанте 5,5 Матич 5,5, Залевски 5,5, Пеллегрини 6, Дибала 5.5, Белотти 5,5, Шомуродов 6, Спинаццола 5,5, Вольпато (баҳосиз), Бове (баҳосиз), Камара (баҳосиз), Моуринью 5,5.

ЎРТАЧА БАЛЛ: Свилар 5,85, Манчини 4,92, Смоллинг 5,07, Ибаньес 4,92, Челик 5,42, Кристанте 5,21, Матич 5,57, Залевски 5,35, Пеллегрини 5,42, Дибала 5,78, Белотти 4,92, Шомуродов 6,21, Спинаццола 5,28, Вольпато 5.66, Бове 6, Камара 5,91, Моуринью 5,07.

Энди “Рома” Европа лигасидаги иккинчи учрашувини 15 сентябрь куни “Олимпико” стадионида Финляндиянинг ХИК жамоасига қарши ўтказади.

Унгача Рим “бўрилари” А Серияда “Эмполи” меҳмони бўлади. Бу беллашув 12 сентябрга белгиланган.

Тўпурар легионеримиз Туркия, Польша, Қатар, Саудия клублари таклифини рад этди ёхуд навбатда Германия жамоаси турибди!

Шомуродов гол урганидан кейин ўткир фикр билдирди!

Расман! Шомуродовга қизиққан мураббий ишдан олинди!