Италиялик мухлис: Ўғил кўрсам, исмини Элдор қўяман!

“Рома” мухлислари ҳамон байрамни давом эттирмоқда. Римлик фанатларга севимли жамоаларининг Европа Лигасида нимчорак финал биринчи учрашувида кучли рақиб – “Атлетик”ни енггани жуда маъқул келди.

Айниқса, жамоа охиригача курашиб, мағлубиятни ғалабага айлантиргани, учрашувни безаган ғалаба тўпи сўнгги сонияда киритилгани манзур келди.

Римлик футбол ишқибозлари ўйин қаҳрамонига айланган Элдор Шомуродов ҳақидаги фикр-мулоҳазалари билан  ижтимоий тармоқларни тўлдирмоқда.

Sports.uz портали ўз ўқувчилари илтимосига кўра, легионеримизга бўлаётган муносабатларни келтириб ўтишга қарор қилди.

Демак танишинг:

Talal Khogali:

Мен ҳар доим Шомуродовнинг зўр ўйинчи эканига ишонганман. Раҳмат сенга Элдор!

Vittorio Sorrentino:

Элдорнинг сўнгги сониядаги голининг қадри жуда баланд.

Father and Son Football:

Элдор учун ўта муҳим гол. Бу гол Бильбаодаги жавоб ўйинидан олдин бизга устунлик беради.

Mirella Ddr Grieco:

Агар ўғил кўрсам, исмини Элдор қўяман!

Bryan Tristante:

Мен ҳар доим ўзбек легионерига ишонганман. Лекин кўпинча унинг қадрига етишмайди.

Damiano Genovese:

Довбик, гол уришни Шомуродовдан ўрган!

Edoardo Cervoni:

Элдор энг зўр лекин энг қадрланмаган футболчи.

Fabio Torre:

Шомуродов ғалабага охиригача ишонди. Балли, Элдор! Шундай давом эт.

Simone Alescio:

Бу голдан кейин Довбикни захирага абадий михлаш ва фақат Элдорни ўйнатиш керак. Довбик, сен Шомуродовга қараб, иккала оёқда ўйнай олса, нималар бўлишини кўр!

Hendry Ong:

Мана буни камбэк деса бўлади. Шомуродов кучли жамоага қарши ўйинда сўнгги зарба билан ғалабани таъминлади.

Mario Rugo:

Элдор ҳурматга лойиқ, у зўр жангчи.

Adriano Sconocchia:

Элдор Шомуродов ва Зеки Челик энг зўр ўйинчиларга айланган бўлса, уларни ўйнатиб юборган Клаудио Раньери дунёдаги энг зўр мураббий.

Manuel Thomas Shelby:

Шомуродов, аввалги танқидлар учун узр сўрайман!

Luca Iaffaldano:

Элдор, сен эътироф ва эҳтиромга лойиқсан.

Mario Negri:

Нега Шомуродовни ҳар доим ҳам ўйнатишмайди. Довбикдан яхши-ку...

Francesco Bottini:

Мен ҳали ҳам Шомуродов Довбикдан кучли, деб биламан. Элдор учрашувни бошидан охиригача ўйнасин.

Dario Mignacca

Сўнгги сониядаги гол билан Шомуродов бизга ҳузур бағишлади.

Antonio Alfonsi:

Довбикни бошқа майдонга кўришни истамаймиз. Элдор ўйнайверсин.

Raul Cabadas Filho:

Жаноб Раньери, олдинги чизиққа Шомуродовни уни ортидан, Салемакерс ва Дибалани ўйнатинг.

Mahmoud Ali:

Элдор биргина ноёб талант нималар қила олишини кўрсатиб қўйди. Артём Довбик бир-икки нарсаларни Шомуродовдан ўрганиб олиши керак. Балки Довбик Элдордан кучлидир, лекин ўзбек футболчиси ҳар доим жангчи каби борини бериб, охиригача ўйнайди.

Эслатиб ўтамиз, Элдор Шомуродов жорий мавсумда барча турнирларда 25 маротаба майдонга тушиб, бешта гол урди ҳамда учта ассист қайд этди.

“Ҳаммаси барбод бўлган пайтда Шомуродов пайдо бўлди!”

Раньери ғалаба голини урган Шомуродов ҳақида нималар деди?

Шомуродов испанларни тиз чўктирган голидан кейин нималар деди?

Римни портлатган Шомуродовга қандай балл қўйилди?