Жаҳон чемпионати ғолиби Жанубий Корея терма жамоаси мураббийига айланди

Жанубий Корея терма жамоасига янги мураббий тайинланди.

Футболчи сифатида жаҳон чемпионатида ғолиб чиққан ва Германия терма жамоасини мураббий сифатида ярим финалга олиб чиққан Юрген Клинсманн Жанубий Корея термасига бош мураббий этиб тайинланди. Бу ҳақда мамлакат футбол ассоциацияси хабар берди.

58 ёшли мутахассис келаси ҳафта Сеулга этиб келади ва 24 март куни Колумбияга қарши ўртоқлик ўйинида иштирок этади. Германиялик мураббий 2026 йилгача мўлжалланган шартнома имзолади.

Эслатиб ўтамиз, жамоани 2022 йилда Қатардаги жаҳон чемпионатида португалиялик Пауло Бенто бошқарган эди.