Жахон чемпионати юлдузи Россияда ўйнашга тайёр

Кабо-Верде терма жамоаси дарвозабони Жозимар Возиньянинг 40 ёшли футболчига оид келажак режалари ҳақида унинг агенти Адилсон дос Сантос да Круз маълумот берди. Ёзги трансфер ойнасида Возинья Португалиянинг «Шавиш» клубини тарк этган эди.

Агентнинг таъкидлашича, тажрибали дарвозабон ҳали ҳам юқори даражада ўйнашни мақсад қилган ва профессионал фаолиятини давом эттириш ниятида.

«Россия, шубҳасиз, уни қизиқтириши мумкин бўлган мамлакатлардан бири. Албатта, агар у ерда унга мос келадиган спорт лойиҳаси ва муносиб имконият пайдо бўлса», — деди да Круз «Спорт-Экспресс» нашрига берган интервьюсида.

Шу билан бирга, агентнинг қайд этишича, Возинья Медиалига жамоалари вариантларини ҳам кўриб чиқишга тайёр, аммо унинг учун асосий устувор йўналиш — профессионал клубга ўтиш.

Возинья жаҳон миқёсида энг оммалашган дарвозабонлардан бирига айланди. Бунга 2026 йилги жаҳон чемпионати биринчи турида Испанияга қарши ўйинда (0:0) дарвозасини дахлсиз сақлаб қолгани сабаб бўлди. Ҳозирги пайтда унинг ижтимоий тармоқлардаги обуначилари сони 27 миллиондан ошган.