Жаҳон чемпиони масъулиятсизлиги учун "Барселона"дан кетади

"Барселона" форварди Усмон Дембеле ёзда клубнинг трансферга қўйилган футболчилари рўйхатига киритилади.

AS нашри хабарига кўра, каталонияликлар раҳбарияти футболчининг доимий жароҳат олиши, шунингдек ўз ишига бўлган маъсулиятсизлиги сабаб уни ёзда сотиб юборишни режалаштирмоқда.

Эслатиб ўтамиз, айни дамда франциялик футболчи клуб лазаретида даволаниш ишларини давом эттирмоқда. Бир муддат олдин эса у жарроҳлик амалиётини ўтганлигини хабар қилган эдик.