Жалолов: Биргаликда чемпионликка эришамиз!

Ўзбекистон пойтахти илк маротаба мезбонлик қилаётган катталар ўртасидаги бокс бўйича жаҳон чемпионати тобора қизғин паллага кириб бормоқда. Мусобақада юздун зиёд давлатдан келган боксчилар орасидан энг кучлилари сараланяпти.

13 вазн тоифасидаги медаллар учун бўлаётган жангларда ўзбек боксчиларининг аксарияти ғалабали одимларини давом эттириб, мухлисларни хурсанд қилмоқда.

10 май куни жаҳон чемпионатининг энг ёрқин жангларидан бирининг гувоҳи бўламиз. Замонавий бокснинг ўта оғир вазн тоифасида энг кучли усталари – Баҳодир Жалолов ва Қамшибек Кункабаев ўзаро тўқнаш келади.

Одатда, ўзбек ва қозоқ боксчиси иштирокидаги “эл-класико”ни финалларда кўришга кўникиб қолганмиз. Бироқ, бу гал жаҳон чемпионати қуръаси уларни финалдан олдинроқ – чорак финалда бир бирига рўбарў қилди.

Чемпионатдаги иштирокини 1/16 финалдан бошлаган ҳар икки боксчи чорак финалгача иккитадан рақибни мағлубиятга учратди. Баҳодир Жалолов Баҳрайн терма жамоаси вакили Данис Латипов ва австралиялик Теремоана Жуниорни мағлубиятга учратди. 

Баҳодирнинг жангидан тайёрланган роликни ушбу лингда кўришингиз мумкин.  

Қамшибек Кункабаев кескин ва муросасиз ўтган беллашувларда Россия боксчиси Алексей Дронов ҳамда суриялик Муҳаммад Млайесдан устунлик қилди.    

Энди Баҳодир ва Қамшибек жаҳон чемпионати ярим финали йўлланмаси учун ўзаро куч синашади. Бу жангга Халқаро бокс уюшмаси – IBA расмий сайти iba.sport вакиллари ҳам муносабат билдирди.

Ўта оғир вазн тоифаси фаворитлари Баҳодир Жалолов ва Қамшибек Кункабаев чемпионатнинг энг кутилган жангини ўтказиш учун кейинги босқичда ўзаро учрашади, - деб ёзилди мазкур сайтда.

Баҳодир Жалолов бўлажак баҳс ўзи учун нақадар муҳим эканини яхши ҳис қилиб турибди. Чунки ўз юртида жаҳон чемпиони бўлишнинг гашти ўзгача. Бироқ, миллионлаб мухлислар кузатиб турган жангнинг масъулияти анча оғир эканини ҳам таъкидлаш жоиз.

Тажрибали боксчимиз бундай мураккаб вазиятда ўзини қандай тутишни яхши билади. Чунки у Олимпия ўйинлари, қитъа ва жаҳон чемпионатлари каби нуфузли мусобақаларда етарли малака тўплай олган.

Баҳодир Жалолов Кункабаев билан бўладиган ўзаро тўққизинчи тўқнашув олдидан ўз мухлисларига инстаграмдаги саҳифаси орқали мурожаат йўллади:

Эслатиб ўтамиз, Баҳодир Жалолов ва Қамшибек Кункабаев рақобати саккиз йилдан бери давом этиб келмоқда. Ҳозирча, умумий натижага кўра, ўзбек боксчиси 5:3 ҳисобида олдинда.

Баҳодир Жалолов ҳаваскор боксчилар ўртасида барча нуфузли турнирлар ғолиби ҳисобланади. У амалдаги жаҳон ва Олимпия ўйинлари чемпиони. Жаҳон чемпионати бронза медаль совриндори. Уч карра Осиё чемпиони бўлган. Ҳамюртимиз ўзи иштирок этган бирорта финал учрашувида мағлуб бўлмаган.

Қамшибек Кункабаев эса, фаолияти давомида Токио Олимпиадаси бронза медалини қўлга киритган. Жаҳон чемпионатларида икки маротаба, Осиё чемпионатларида эса тўрт маротаба кумуш медалга эга чиққан.

Баҳодир Жалолов Кункабаевга қарши жанг олдидан нималар деди?

Шоҳажаҳон қозоқлардан Мелиқўзиев ўчини олди, руслар ва кубаликларнинг “кетмони” баланд учди!

Жалолов – Кункабаев: Қозоғистонлик мухлислар боксчилар имкониятини қандай баҳолади?

Яна Баҳодир Жалолов ҳақида...

Баҳодир Жалолов жаҳон чемпионлиги йўлида асосий рақибларини айтди!