Жамшид Искандеров терма жамоа ўйини олдидан интервью берди

Ўзбекистон миллий терма жамоасининг ноябрда бўлиб ўтадиган йиғини доирасидаги Сурия ҳамда Ироқ термаларига қарши ўйин учун машғулотлари бошланди. Терма жамоамиз аъзоси Жамшид Искандеров ҳам терма жамоа ихтиёрига етиб келди ва ЎФА матбуот хизмати у билан уюштирилган интервьюни тақдим этди:

"Қатъий ўрнатилган карантин қоидалари туфайли терма жамоамизнинг ўтган сафарги йиғинига етиб кела олмадим. Албатта, бундан ранжидим. Миллий терма жамоа сафида майдонга тушиш ҳар бир футболчи учун доимо ёқимли.

Корея чемпионати якунланди. Худога шукр, ўйинларни яхши ўтказиб, ўз юртимга қайтиб келдим. Олдимизда турган вақт мобайнида машғулотларга жиддий киришиб, спорт формамизни тиклаб олишга ҳаракат қиламиз. Шерикларим билан бирдамликда яхши ўйин кўрсатишимизга ишонаман".