Жаноб Мбаппе шу 6 футболчини ПСЖда кўришни истамайди!

Биласиз, ПСЖ футболчиси Килиан Мбаппе клуб билан шартномасини узайтирди. "Мец"га қарши Лига 1 сўнгги тур ўйини олдидан футболчи ва раҳбарият буни расмий тарзда эълон қилди.

Парижликлар учун уни жамоада олиб қолиш осон бўлмади. Бир қатор шартлар, хусусан, мураббий ва спорт директори танлаш, хоҳлаган футбочисини таркибда олиб қолиш ёки кетказиш, юқори миқдорда бонус ва маош Килианнинг парижликлар сафида қолишини таъминлади. 

Айни вақтда француз клубдан кетиши керак бўлган футболчилар рўйхатини тузган. Бу ҳақда "Bein Sports" нашри хабар берди. Унга кўра, Неймар, Паредес, Икарди, Кюрзава, Дракслер ҳамда Эррера ёзда ПСЖни тарк этиши мумкин.