Жасур гол урган клуб йўқ бўлиб кетди

Беларусь чемпионати олий лигасини сўнгги ўринда якунлаган “Смолевичи” клуби фаолиятини бутунлай тўхтатади.

Маълумотларга қараганда , Смолевичск тумани раҳбарияти клуб директори Алексанр Шликовга  жамоа биринчи лига ўйинларида қатнашмаслиги ҳақида хабар берди.

“Смолевичи” клубининг барча ходимлари, мураббийлари ва футболчиларининг меҳнат дафтарчалари ўтган йилнинг декабрь ойидаёқ уларга қайтариб берилган.

Ўтган чемпионатда ўзбекистонлик легионер Жасур Яхшибоев “Смолевичи”  дарвозасига учта гол урган эди. Дастлаб, “Энергетик-БГУ” сафида ўз ҳисобига битта гол ёзиб қўйган Жасур, “Шахтёр”га ўтганидан кейин “Смолевичи” дарвозабонини икки марта ожиз қолдирган.

Шунингдек, “Энергетик-БГУ”да ўйнаган ҳамюртимиз Шаҳбоз Умаров ҳам бу жамоа дарвозасини бир марта ишғол қилган.

“Смолевичи” клуби 2009 йилда ташкил этилган эди. Энди жамоа профессионал клуб мақомини йўқотди. Агар клуб фаолиятини қайта тикласа, ҳаваскор жамоа сифатида қуйи лигаларда ўйнайди.

Яхшибоев ортидан “Шахтёр”нинг чемпион таркиби тарқалиб кетди

Ўзбек футболчилари хориж клубларига йўл олмоқда. Улар Европа футболида “нон” топа оладими?

Матнда хатолик топсангиз, ўша хатони белгилаб, бизга жўнатинг (Ctrl + Enter)