Жасур Жалолиддинов: Ҳали 100 фоиз тайёр эмасман

“Локомотив” ярим ҳимоячиси Жасур Жалолиддинов кеча Россия U-19 (1:3) терма жамоасига қарши ўтказилган ўртоқлик ўйинидан сўнг ўз фикрларини билдириб ўтди.

“Жамоага тўлиқ мослашиб олдим, аммо барибир ўз спорт формамни янада яхшилашим керак. Мен ҳали 100 фоиз тайёр эмасман. Юз фоиз жисмоний тайёр бўлмасангиз, ўзингизни тўлиқ кўрсатишингиз қийин”, - дейди 18 ёшли ўзбекистонлик футболчи.

Жалолиддинов “Локомотив” сафига июль ойида “Бунёдкор”дан кўчиб ўтган ва “темирйўлчилар” билан 2025 йилгача шартнома имзолаган эди.