Жавоҳир Синдаров: "Ҳикару билан бўлган партиядан кейин имкониятларим жуда кам деб ўйлаган эдим"

Жавоҳир Синдаров Titled Tuesdayда ғолиб бўлгач, ўз таассуротлари билан бўлишди.

Гроссмейстернинг айтишича, 7-турда Ҳикару Накамурага ютқазганидан кейин турнирни ютиш эҳтимоли жуда пастдек туюлган.

"Ҳикару билан бўлган партиядан кейин имкониятларим жуда кам деб ўйлаган эдим. Бир вақт текширганимда, Ҳикару ва МВЛнинг натижалари жуда яхши кетаётганини кўрдим. Шунга қарамай, қолган партияларда максимал натижа кўрсатишга ҳаракат қилишим керак деб ўйладим.

Баъзи позициялар жуда ёмондек туюлди. Лекин охирги юришларим жуда яхши чиқди. Иккинчи танаффусдан кейин эса кетма-кет учта партияни ютишга ҳаракат қилдим ва бу амалга ошди. Ростини айтсам, турнирни ютишда бироз омадим ҳам келди.

Титлед Туесдай Wинтер Сплит орқали  Global Chess Championship"га ҳам йўлланма олдим ва имкониятларим яхши. Лекин ҳозир асосий эътиборим Номзодлар турнирига қаратилган. Шунга қарамай, эСпортс Wорлд Cупъда ҳам имкон қадар яхши натижа кўрсатишга ҳаракат қиламан.

Фреестйлеъдан кейинги Титлед Туесдайъда ўйнаганимда деярли ҳамма мени ютган эди. Ўзимни жуда ёмон ҳис қилгандим — ҳатто икки-уч юришни ҳам ҳисоблай олмаётгандек эдим. Аммо бугун, Ҳикару билан партиядан ташқари, жуда яхши ўйнадим деб ўйлайман. Ўйинларимдан мамнунман.

Айни пайтда мен Номзодлар турнирига жиддий тайёрланяпман ва мусобақага энг яхши тайёргарлик билан боришга умид қиламан, - деди Синдаров.