Жавоҳир Синдаров ва Ортиқ Ниғматов баҳси дуранг билан якунланди

Тошкентда "Президент кубоги" давом этмоқда. 3-бор ўтказилаётган мусобақанинг мукофот жамғармаси 75000 АҚШ долларини ташкил этади.

Турнир 2 гуруҳда ўтказилади. "А" гуруҳида рейтинги 2250 ва ундан юқори рейтингли шахматчилар иштирок этса, "Б" гуруҳида рейтинги 2249 ва ундан паст рейтингли шахматчилар қатнашади.

Ҳар бир ўйин 90 дақиқа ва ҳар бир юриш учун 30 секунд вақт қўшиб борилади.

Бугун ушбу турнирнинг 4-тур учрашувлари давом эттирилмоқда. Жадвалда пешқадам бўлиб турган вакилимиз Ортиқ Ниғматов бошқа бир ҳамюртимиз Жавоҳир Синдаров билан куч синашди. Ушбу баҳсда дуранг натижа қайд этилди.