ЖЧ-U20: Маскерано бошқараётган, таркибида "Сити", "Барселона", "Ювентус", "Интер" футблчилари ўйнайдиган ва Ўзбекистон терма жамоасидан 25 баравар қиммат бўлган Аргентина ҳақида гаплашамиз

Хабарингиз бор, 20 май куни Ўзбекистон ёшлар терма жамоаси жаҳон чемпионатининг илк учрашувини мезбон Аргентинага қарши ўтказади. Шу ўринда келинг, бўлажак рақибимиз ҳақида айрим қизиқарли маълумотларни келтириб ўтамиз.

Roy Nemer on Twitter: "Javier Mascherano as the new Argentina U20 coach at  his first training session. https://t.co/EaJg4NrxFK" / Twitter

Аргентина U20 терма жамоаси бош мураббийи “Ливрпуль” ва “Барселона” каби машҳур клубларда порлаган Хавьер Маскерано эканлигини билармидингиз? Мамлакатнинг ёшлар терма жамоаси 2021 йилнинг декабрида мураббийлик фаолиятини бошлаганига ҳали унча кўп бўлмаган 38 ёшли мутахассисга ишониб топширилган. Кўрамиз, Маскерано футболчилик фаолиятида ўрганган билим ва тажрибаларини қай даражада амалда қўллай олади.

De Guardiola a Máximo Perrone: "Su cabeza va más rápido que sus piernas" |  Elogios para el argentino del DT de Manchester City, que avanzó en la FA  Cup | Página12

Энди жамоа таркибига назар ташласак. Дунёга машҳур Трансфермаркт портали талқинига кўра, жаоанинг энг қиммат футболчиси Максимо Перроне бўлиб, унинг айни дамдаги трансфер нархи 10 миллион еврони ташкил этади. “Манчестер Сити”га тегишли бўлган 20 ёшли футболчи асли "Велес Сарсфилд" клуби академияси тарбияланувчиси ҳисобланади. У асосий жамоа таркибидаги дебютини 2022 йил 6 март куни “Эстудиантес”га қарши ўйинда ўтказган. 2022 йил 18 май куни у Либертадорес кубоги доирасида Уругвайнинг “Насиональ” клубига қарши ўйинда эса "Велес Сарсфилд" сафидаги биринчи голини урди. 2023йилнинг 23 январида “Манчестер Сити” клуби Перроненинг трансферини эълон қилди. Таъкидлаш керакки, Перроне бундан аввал Аргентина ўсмирлар терма жамоасида ҳам тўп сурган.

Juve's Matias Soulé is a wanted man with five Serie A clubs on his heels |  Juvefc.com

Valentin Carboni - Skills and Highlights - YouTube

Аргентина ёшлар терма жамоаси таркибидан шунингдек, Диего Валентин Гомес (4,5 млн евро), Агустин Жай (4 млн), Алехо Велис (4 млн), Матиас Суле (4 млн), Валентин Карбони (4 млн), Игнасио Мирамон (3 млн), Жино Инфантино (3 млн), Хуан Гауто (3 млн), Матео Танлонг (2,5 млн) ва Бриан Агирре (2 млн) каби ёш юлдузчалар ҳам жой олган. Қайд этиш лозимки, ушбу футболчилар “Барселона”, “Интер”, “Ювентус” ва “Спортинг” каби машҳур жамоалар аъзолари ҳисобланишади.

8_2

Умуман олганда жаҳон чемпионатида иштирок этадиган Аргентина ёшлар терма жамоасининг умумий нархи 50 миллион евродан ошади. Мусобақа муваффақиятли якунланган тақдирда, балки ушбу сумма бир неча ўн баробарга ортиши ҳам мумкин.

444

Таққослаш учун, Ўзбекистон ёшлар терма жамоасининг ҳозирги нархи бор йўғи 2 миллион евродан сал ошади холос. Таркибимиздаги энг қиммат футболчилар эса Умарали Раҳмоналиев (350 минг евро) ва Аббосбек Файзуллаев (300 минг) ҳисобланади. Ишонамизки, "Рубин" ва "Пахтакор" аъзоларининг трансфер нархлари ушбу мундиалдан сўнг бир неча баробарга ошади.

Биз эса ёшларимиз жиддий рақибга қарши муносиб ўйин намойиш эта олишига умид боғлаб қоламиз. Ҳар ҳолда Равшан Ҳайдаров жамоаси мундиалга Осиё чемпиони сифатида йўл олган.

8_1

Эслатиб ўтамиз, Аргентина – Ўзбекистон учрашуви 20 майдан 21 майга ўтар кечаси Тошкент вақти билан соат 02:00 да бошланади. Гуруҳнинг иккинчи ўйини эса 23:00 да Гватемала ҳамда Янги Зелландия терма жамоалари ўртасида старт олади.

Бахтиёр Тоштемиров

Фикрлар

Фикр қолдириш учун авторизациядан ўтинг!
ХОЛМУРОДОВ АМИР
17/05/2023 14:12
Майдон эгаларида устунлик юкори булади 1 чи уйинда
ХОЛМУРОДОВ АМИР
17/05/2023 14:11
Жеребевка Узбекистон учун нокулай тушибди