Журналист Мбаппенинг қароридан хабар топди. Бу сизни ҳам ҳайрон қолдириши аниқ

Журналист Даниэль Риолонинг хабар беришича, Франция терма жамоаси ҳужумчиси Килиан Мбаппе ПСЖда қолиши мумкин.

Манбанинг хабарига кўра, 23 ёшли футболчи тез орада Париж клуби билан шартномасини узайтирганини эълон қилади.

"Ал-Хелайфининг ягона қизиқиши - Килиан нима қилишини билиш. Ҳеч ким менга ишонмайди, лекин у май ойида ўз қарорини эълон қилади ва қолади", - деди RMC Sport журналисти.

Аввалроқ Мбаппе "Реал" билан келишувга эришгани ва ёзда эркин агент сифатида Мадридга йўл олиши ҳақида хабар берилганди. Унинг "қироллик клуби"даги йиллик маоши 25 миллион еврони ташкил этиши ҳам маълум бўлган эди.

Мбаппе жорий мавсум Франция чемпионатида жами 27 та ўйинда майдонга тушиб, 17 та гол урди ва 13 та голли узатмани амалга оширди. Унинг ПСЖ билан амалдаги шартномаси мавсум охирида ўз ниҳоясига етади.