Кариус ҳали бери "Ливерпул"га қайтмаслиги мумкин

Туркиянинг "Бешиктош" клуби германиялик дарвозабон Лорис Кариусни таркибда сақлаб қолмоқчи.

Fanatik нашри тарқатган хабарга кўра истанбулликлар "Ливерпуль" билан гаплашиб 26 ёшли посбоннинг трансферини узайтиришмоқчи. Таъкидлаш керакки, Кариуснинг ижара муддати жорий мавсум якунига қадар имзоланган.

Маълумот учун, “Бешиктош”да Кариусни 8 млн еврога тўлиқ сотиб олиш ҳуқуқи мавжуд. Бироқ, улар ҳали ушбу трансферни амалга ошириш бўйича якуний қарорга келишганича йўқ.

Лорис Кариус бу мавсум “Бешиктош” сафида жами 21 та ўйинда майдонга тушди ва шулардан 6 тасида ўз дарвозаси дахлсизлигини сақлаб қолди.