Кевин де Брюйне: "Сити" мавсумга тайёр эмас эди

“Манчестер Сити” ярим ҳимоячиси Кевин де Брюйненинг фикрича, “шаҳарликлар” жорий мавсумни яхши бошлаши ҳам мумкин эди.

“Мавсум аввалида бизда жароҳатлар билан боғлиқ жуда кўп муаммолар бўлди, деб ўйлайман. Биз ҳам руҳан, ҳам жисмонан янги мавсумга тайёр эмас эдик. Декабрь ойида баъзи футболчилар сафга қайтди ва бир қатор ўйинларда ғалаба қозониб, жадвалда юқориладик. Январда 8 та ўйинимиз бор ва бу ўйинларга тайёрмиз, деб ўйлайман”, - деди бельгиялик футболчи.

“Манчестер Сити” 17 турдан сўнг АПЛ мусобақа жадвалида 29 очко билан 5-ўринда бормоқда.