Кейлор Навас: Зидан кет деб айтса, кетишга тайёрман

Мадриднинг “Реал” клуби дарвозабони Кейлор Навас ўзининг жамоадаги келажаги ҳақида тўхталиб ўтди.

“Агар мураббий менга кетишимни айтса, мен бунга тайёрман. Лекин менинг клуб билан амалдаги шартномам бор ва мен “Реал” билан боғланганман.

Мен ҳар доим мураббийни ўйнашга лойиқ эканлигимга ишонтиришга ҳаракат қиламан.

Биз ушбу жамоа рамзини ҳурмат қилган ҳолда мавсумнинг қолган барча учрашувларида ғалаба қозонишимиз шарт”, - дейди коста-рикалик посбон.

Эслатиб ўтамиз, бундан аввалроқ Зидан келаси мавсумда Куртуани асосий дарвозабон қилмоқчилиги, Навас эса сотиб юборилиши ҳақида хабарлар тарқалган эди.