Клопп бу ишни қилиб, катта хатога йўл қўйди!

Англия терма жамоасининг собиқ футболчилари Питер Крауч ва Рио Фердинанднинг “Ливерпуль” трансфер сиёсати борасидаги фикри бир жойдан чиқди.

Юрген Клопп жамоаси ёзда сенегаллик ҳужумчи Садио Манени қўйиб юборди. 31 ёшли футболчи “Бавария” сафига қўшилди. 

“Ливерпуль” чемпионат аввалида ҳужум чизиғида кутилган ўйинни намойиш қила олмаяпти ва олтита ўйинда атиги иккита ғалаба қозониб, қолган тўртта бағсда қимматли очколарни йўқотиб бўлди.

- Мураккаб вазиятларда Мане доим энг муҳим вазифаларни бажариб, ғалабани “Ливерпуль” томонга буриб юборарди. Ҳозир уларда бунақа ўйинчи йўқ, - деди Питер Крауч.

- Мане марказий ҳужумчига жуда катта ёрдам бериб, уни қўллаб-қувватлаб турарди. Ҳозир айнан мана шу футболчи етишмаяпти, - деди Рио Фердинанд.