Клопп Моренога Ла Лигадан ўринбосар топди
Ads

"Бетис" клуби ҳимоячиси Хуниор Фирпо "Ливерпул"нинг қизиқишлар доирасига кириб қолди.

Mirror нашри тарқатган хабарга кўра 22 ёшли испаниялик футболчини шахсан мерсисайдликлар бош мураббийи Юрген Клопп “Энфилд”да кўрмоқчи. Гап шундаки, немис мутахассиси Фирпони жамоадан кетган Альберто Морено ўрнига муносиб ўринбосар сифатида қарамоқда.

Таъкидлаш керакки, “Ливерпуль” Фирпонинг шартномасида кўрсатилган 50 млн евролик товон пулини тўлаб сотиб олишга тайёр.

Эслатиб ўтамиз, бундан аввалроқ ушбу футболчи учун "Барселона" ва "Манчестер Юнайтед" клублари ҳам кураш олиб боришаётгани ҳақида хабарлар тарқалган эди.

Маълумот учун, Фирпо ўтган мавсум 29та ўйинда майдонга тушди ва ўз ҳисобига 3та гол ҳамда 5та голли узатма ёздириб қўйишга эришди.