Крамер узоқ муддатга сафдан чиқди

Мюнхенгладбахнинг "Боруссия" клуби ярим ҳимоячиси Кристоф Крамер Германия Бундеслигасининг 15-турида "Аугсбург" жамоасига қарши (0:1) баҳсда жароҳат олди ва учрашувнинг 52-дақиқасида майдонни тарк этди.
Ўйиндан сўнг ўтказилган тиббий кўрик натижасида маълум бўлдики, 25 ёшли футболчи чап тизза мушакларидан жиддий жарохат олган. Бу ҳақда клуб расмий сайти хабар бермоқда.
Энди Крамер катта эхтимол билан жарроҳлик столига ётади. Унинг тўлиқ соғайиб кетиши учун эса бир неча ой талаб этилади.

Фикрлар

Фикр қолдириш учун авторизациядан ўтинг!