"Ланс" ҳимоячиси "Атлетико"га ўтиши мумкин

"Атлетико" ёзги трансферлар ойнасида битта марказий ҳимоячи билан шартнома имзолашни режалаштирган.

Инсайдер Маттео Маретто хабар беришича, клуб "Ланс" аъзоси Факундо Мэдинани жиддий кузатмоқда. Шунингдек, номзодлар орасида "Ноттингем Форест" футболчи Мурилло ҳам мавжуд. 

Мэдина ушбу мавсум лансликлар таркибида 30 та ўйинда майдонга тушиб, 4 та голда иштирок этди. 24 ёшли ҳимоячи 2020 йилда 3,50 миллион евро эвазига "Тальерес"дан Франция клубига кўчиб ўтганди.