Legionerlarimiz uchun omadli tur: biri dublga erishdi, yana biri o‘yinning eng yaxshi futbolchisi

Tojikiston oliy ligasiga ham start berildi. Saytimiz orqali xabar berganimizdek, u erda 28 nafar hamyurtimiz tojik klublari tomonidan ro‘yxatdan o‘tkazildi. Ilk turda bir qator legionerlarimiz o‘zlarini ko‘rsatishga muvaffaq bo‘ldi.

Jumladan, “Fayzkand” – “Istaravshan” uchrashuvida mehmonlar javobsiz 5 ta gol urdi. “Istaravshan” safida hamyurtlarimiz - Otabek Zokirov dublga erishdi va yana bir golga Amirjon Safarov mualliflik qildi. Qolgan ikkita gol kamerunlik Mbeke hisobiga yozildi.

Shuningdek, “Esxata” hamda “Xo‘jand” jamoalari ishtirokidagi uchrashuvda maydon egalari 1:0 hisobida g‘olib chiqdi.

E’tiborlisi, o‘yinning 90+3-daqiqasida o‘zbekistonlik Shaxzod Abdurahimovning goli mezbonlarga qimmatli uch ochkoni keltirdi. Natijada Abdurahimov uchrashuvning eng yaxshi futbolchisi deb topildi.

Ishonasizmi, 28 nafar legionerimiz bitta chempionatda! Ular kimlar?