Левандовски суперклубга рад жавобини берди

Испаниянинг амалдаги чемпиони “Барселона”нинг  польшалик ҳужумчиси Роберт Левандовскининг клубдаги келажаги мавҳум бўлгани боис, қатор клублар у билан ҳамкорлик ўрнатишга ҳаракат қилмоқда.

Ана шундай жамоалардан бири –  Туркиянинг гранд клуби “Фенербаҳче” 37 ёшли тўпурарга йўллаган чорловига рад жавобини олди.  Бу ҳақда таниқли журналист Экрем Конур хабар бермоқда.

Аввалроқ, “Фенербаҳче” тажрибали ҳужумчини трансфер қилиш бўйича музокаралар олиб бораётгани ҳақида маълумот пайдо бўлган эди.

 Манбага кўра, Левандовски январь ойида Туркия клубига ўтишдан бош тортган. У жорий мавсум охиригача  “Барселона”да қолишни истаётгани таъкидланди.