Левандовскини тўхтатиб бўлмаяпти

7 сентябрь, чоршанба куни Чемпионлар лигаси гуруҳ босқичининг 1-туридан ўрин олган “Барселона” – “Виктория Пльзен” учрашуви бўлиб ўтди. Беллашув каталонияликларнинг 5:1 ҳисобидаги ғалабаси билан якунланди.

Испан клуби сафида Роберт Левандовски учта гол урди. Польшалик ҳужумчи учун бу Чемпионлар лигасидаги 6-хет-трик бўлди. Турнирларда фақат иккита футболчи ундан кўпроқ хет-трик қайд этган: Криштиану Роналду ва Лионель Мессида 8 тадан.

Шунингдек, Левандовски Чемпионлар лигаси ўйинида уч хил клуб сафида хет-трик қайд этишга муваффақ бўлган биринчи футболчи бўлди. Польшалик футболчи 88 та гол билан Чемпионлар лигаси тарихидаги энг яхши тўпурарлар рўйхатида ҳам учинчи ўринни эгаллаб турибди.