Лига 1. ПСЖ сўнгги сонияларда ғалабани қўлдан чиқарди

Франция чемпионати 20-турида ПСЖ ҳамда "Реймс" жамоалари ўзаро куч синашди. Мазкур беллашувда 1:1 ҳисоби қайд этилди. 

Дастлаб, Неймар 51-дақиқада ҳисобни очди. Учрашув тугаши арафасида, аниқроғи, 90+6-дақиқа ўтиб бораётган бир пайтда Балоган гол уриб, жамоасини мағлубиятдан қутқариб қолди. 

Қайд этиш лозим, парижликлар ярим соатдан қўпроқ вақт давомида 1 киши кам бўлиб ҳаракат қилди. Вератти 59-дақиқада қизил карточка олиб, майдонни тарк этди. 

ПСЖ 50 очко билан ҳамон Франция чемпионати турнир жадвалида пешқадамлик қилмоқда. 26 очкога эга "Реймс" 11-ўринни банд этган.