Лионель Месси янги рекорд ўрнатди: тарихда ҳеч ким бундай натижага эришмаган

Аргетина терма жамоасининг энг зўр футболчиси Лионель Месси жаҳон чемпионатлари тарихига янги саҳифа қўшди. У футбол бўйича дунё биринчи рақамли мусобақасида кетма-кет етти ўйинда гол урган илк футболчига айланди.

Аргентина терма жамоаси сардори ўзининг ҳайратланарли сериясини Иорданияга қарши баҳсда ҳам давом эттирди. У яна бир бор рақиб дарвозасини ишғол этиб, шу пайтгача ҳеч кимга насиб этмаган ноёб ютуқка эришди.

Шу тариқа, Месси дунё миқёсидаги энг нуфузли турнирда етти ўйиндан бери майдонга тушган ҳар бир баҳсда гол уриб келмоқда.

Бундан ташқари, Месси жаҳон чемпионатларидаги шахсий голлар рекордини ҳам янгилади — энди унинг ҳисобида 19 та гол бор. Шу билан у 16 тадан гол урган Мирослав Клозе ва Килиан Мбаппе каби асосий таъқибчиларидан узоқлашди.